Predstavnici Nevladine organizacije „Park šuma Zagorič” predali su zaštitniku ljudskih prava Šućku Bakoviću žalbu i zatražili od njega da utiče na gradonačelnika Slavoljuba Stijepovića da ih napokon primi na sastanak.
“Tražimo dugo vremena sastanak sa gradonačelnikom, ali nam ne odgovara na dopise. Pored toga, zatražili smo da Upravni sud napokon uzme u razmatranje našu inicijativu za poništenje rješenja o povraćaju zemljišta u park šumi, koji smo podnijeli krajem prošle godine”, navode iz te NVO.
Objasnili su da traže poništenje rješenja, jer niko od građana iz park šume nije ni upoznat bio sa tim postupkom.
“Odnosno tada nas nisu ni konstatovali, kontaktirali, a sada kada je zemlja vraćena, dobijamo tužbe i presude. Nadležni su svalili sve na naša pleća”, istakli su iz NVO. Ponovili su da ne bježe od odgovornosti da su gradili na tuđem zemljištu, koje je tada bilo državno, ali i da su spremni da plate parcele po razumnim cijenama i rokovima. Pravosnažnom odlukom Vrhovnog suda vraćeno je 125.000 kvadratnih metara u park šumi Zagorič porodici Vučinić. Nasljednicima Femije Stamatović rješenjem Ministarstva finansija vraćeno je 160.000 kvadrata.
Bonus video:
