ALBANSKA KOALICIJA, HGI I BS SE DOGOVORILI:

Manjinske partije formiraju zajedničku Radnu grupu

Na sastanku je dogovoreno formiranje zajedničke Radne grupe koja će, narednih dana, raditi na zajedničkoj platformi manjinskih partija u Crnoj Gori
20 komentar(a)
Suljo Mustafić, Genci Nimanbegu, Foto: Savo Prelević
Suljo Mustafić, Genci Nimanbegu, Foto: Savo Prelević
Ažurirano: 08.02.2019. 09:15h

Na sastanku u Podgorici predstavnici partija manjinskih naroda, koalicije „Albanci odlučno“, Bošnjačke stranke i Hrvatske građanske inicijative razgovarali su o zajedničkoj platformi koja će sadržavati političke zahtjeve, u skladu sa njihovim partijskim programima i principima.

Na sastanku je dogovoreno formiranje zajedničke Radne grupe koja će, narednih dana, raditi na zajedničkoj platformi manjinskih partija u Crnoj Gori. Ujedno sa Platformom , svaka od partija ili koalicija će raditi i na definisanju posebnih dokumenata u kojima će biti navedeni specifični politički zahtjevi, kao sastavni dio ovog procesa.

Tek nakon definisanja ovih zajedničkih i posebnih dokumenata predstavnici partija će krenuti u proces pregovaranja oko skupštinske većine.

Na sastanku u Podgorici, u prostorijama BS, učestvovali su u ime Bošnjačke stranke – potpredsjednici Osman Nurković, Kemal Purišić, politički direktor Suljo Mustafić i budući poslanik Ervin Ibrahimović. Koaliciju „Albanci odlučno“ predstavljali su : Nazif Cungu i Genci Nimanbegu, predsjednik i potpredsjednik Force, Gjergj Camaj predsjednik Albanske alternative i Mehmet Zenka, predsjednik DUA. Hrvatsku gradjansku inicijativu zastupali su :Marija Vučinovic, predsjednica HGI i Adrijan Vuksanović, budući poslanik ove partije.