Albanska alternativa za izbornu kampanju potrošila više nego što je imala - Vijesti.me
DRI NEZADOVOLJAN NAČINOM FINANSIRANJA

Albanska alternativa za izbornu kampanju potrošila više nego što je imala

U DRI su pojasnili da je partija Nika Đeljošaja za kampanju prikupila oko osam hiljada, dok su troškovi iznosili 10 hiljada

Prebacivali novac na račun nakon izbora: Đeljošaj
Prebacivali novac na račun nakon izbora: Đeljošaj (Foto: Zoran Đurić)

Albanska alternativa (AA) je za izbornu kampanju u Podgorici i Plavu potrošila 10 hiljada eura više nego što je prikupila, navodi se u izvještaju Državne revizorske institucije (DRI). 

U DRI su pojasnili da je partija Nika Đeljošaja za kampanju prikupila oko osam hiljada, dok su troškovi iznosili 10 hiljada. 

DRI je dao pozitivno mišljenje na finansijski izvještaj AA za prošlu godinu i negativno mišljenje na reviziju pravilnosti.

“Revizijom pravilnosti utvrđeno je da Albanska alternativa finansijske i druge radnje nije u svim aspektima uskladila sa relevantnim zakonskim i drugim propisima. Neusklađenost se odnosi na nedosljednu primjenu Zakona o finansiranju političkih subjekata i izbornih kampanja, Zakona o radu, Zakona o porezu na dohodak fizičkih lica i pravilnika o načinu popisa i usklađivanju knjigovodstvenog sa stvarnim stanjem”, navode u DRI. 

Upozorava se i da je stranka dio troškova izborne kampanje platila sa računa za redovno fiansiranje, kao i da je prebacivala novac na račun za kampanju nakon što su proglašeni izborni rezultati.