Trostruki olimpijski šampion, svjetski rekorder na 100 i 200 metara, Jamajčanin Usein Bolt želi da postane "živa legenda".
"U Londonu na Olimpijskim igrama moj cilj je da 100 metara istrčim za 9,4 sekunde, a duplo dužu distancu za 19 sekundi. Želim da ljudima kažem živa legenda je tu, ovdje pored vas", kazao je Bolt.
Jamajčanin je vlasnik svjetskih rekorda na 100 metara, 9,58 sekundi i 200 metara koje je istrčao za 19,19 sekundi. Ocjene stručnjaka da boljim startom teoretski može najprestižniji sprint istrčati za 9,4 sekunde želi da dokaže na najvećoj sportskoj smotri.
"Ljudi vjeruju da mogu, a ja radim izuzetno naporno da ih ne razočaram. Želim pobjede i nove svjetske rekorde u Londonu. Smatram da ću u Londonu biti brži nego ikada, pa iako djeluje pomalo nestvarno, pokušaću da istrčim zacrtane rezultate. Najluđa i najsmjelija očekivanja se ponekad ostvare, a ja želim status žive legende", zaključio je najbolji sprinter svioh vremena.
Bonus video:
