DOGOVOR GVEN STEFANI I GEVINA ROZDEJLA

Nije želio polovinu imovine, a o djeci se zajedno staraju

“Takva Gevinova galantna odluka ubrzala je dogovor. Ponio se kao pravi gospodin”, tvrdi pjevačev prijatelj
2 komentar(a)
Gven Stefani, Gevin Rozdejl, Foto: Shutterstock
Gven Stefani, Gevin Rozdejl, Foto: Shutterstock
Ažurirano: 26.10.2015. 18:43h

Samo četiri mjeseca nakon što su objavili da se rastaju, četrdesetšestogodišnja pjevačica Gven Stefani i Gevin Rozdejl uspjeli su da dogovore sve detalje mimo suda, tvrdi TMZ.

Par će imati zajedničko starateljstvo nad tri sina, Kingstonom Džejmsom Mekgregorom, Zumom Nestorom Rokom i jednogodišnjim Apolom.

“Dječaci će sad više biti kod Gevina jer je Gvenin raspored pretrpan zbog žiriranja u muzičkom šouu ‘TheVoice’, ali i turneje na koju se sprema s bendom”, rekao je prijatelj para.

Frontmen benda “Bush” i Gven nisu imali potpisan predbračni ugovor, no navodno je Gevin pristao na manje od polovine zajedničkog novca i imetka.

“Takva Gevinova galantna odluka ubrzala je dogovor. Ponio se kao pravi gospodin”, tvrdi pjevačev prijatelj. Gven i Gevin u vezi su bili od 1995, kad je njen bend No Doubt bio predgrupa “Bushu”. Vjenčali su se 2002. godine. Prema pisanju američkih tabloida, razlog razvoda je Gevinova prevara. Navodno je pjevačica saznala da je suprug već izvesno vrijeme vara sa dadiljom njihove djece.

Preporučujemo za Vas