Gradonačelnik mjesta Gfel na teritoriji austrijske pokrajine Donja Austrija, Karl Simlinger, podnio je danas ostavku, poslije rasističkih izjava.
Političar iz redova Narodne partije Austrije (OVP) rekao je da podnosi ostavku i da će krajem godine napustiti dužnost gradonačelnika. Takođe je rekao da se izvinjava svima koji su se našli uvrijeđeni njegovim izjavama.
Na sjednici gradskih vlasti u utorak Simlinger je navodno, u diskusiji o smještaju za azilante, pored uvredljivih riječi, kazao i da ih "treba objesiti", jer su kao Jevreji.
Simlinger negira da je izgovorio sve te riječi, ali priznaje da je bio u izuzetnom stresu zbog doma za azilante.
"Sigurno nijesam na javnoj sjednici izrekao te riječi, ali sam dopustio da mi u diskusiji iz usta izađe izjava koja se ne poklapa sa mojim ličnim viđenjem svijeta", poručio je on.
Simlinger je dodao da je svakako namjeravao da krajem godine napusti mjesto gradonačelnika i da je to želio da objavi kasnije, ali je to učinio sada zbog afere oko izjave.
Bonus video:
