PODSTICANJE PRERADE

Putin potpisao novi režim izvoznih carina za naftne proizvode

Uredbom se ujednačavaju carine na naftne prozvode u visini od 66 posto carina na izvoz sirove nafte.
0 komentar(a)
Putin, Foto: Beta
Putin, Foto: Beta
Ažurirano: 26.02.2019. 01:13h

Ruski premijer Vladimir Putin potpisao je uredbu kojom će 1.oktobra na snagu stupiti novi režim izvoznih carina za naftne proizvode, kazao je danas jedan izvor u ruskoj vladi.

Uredbom se ujednačavaju carine na naftne prozvode u visini od 66 posto carina na izvoz sirove nafte. Potez je sastavni dio takozvane reforme '60-66' ruskog režima naftnih carina koji bi trebao da podstakne preradu nafte i modernizaciju rafinerija.

Uredba ne obuhvata benzin, na čiji će se izvoz i dalje plaćati carina u visini od 90 posto carine na izvoz sirove nafte. Ova ad-hoc mjera je uvedena ove godine kako se ruskim poreduzećima više ne bi isplatilo da izvoze benzin iz Rusije.

"Uredba donosi promjene samo u oporezivanju naftnih proizvoda. Odluka o pitanju izvozne carine na naftu biće donešena odvojeno", kazao je izvor koji je još dodao da je odvojena uredba kojom će se odrediti koeficijent 60 za proračun carina na sirovu naftu još u fazi pripreme.