obećao da će podržati teritorijalni integritet Ukrajine

Erdogan u Kijevu kritikovao rusko pripajanje Krima

Erdogan je rekao i da će Turska pomoći izgradnju smještaja za 500 porodica krimskih Tatara koji su se preselili u druge djelove Ukrajine poslije aneksije Krima
4236 pregleda 2 komentar(a)
Erdogan, Foto: AP, AP
Erdogan, Foto: AP, AP

Predsjednik Turske Redžep Tajip Erdogan kritikovao je danas u Kijevu rusko pripajanje ukrajinskog poluostrva Krim i obećao da će podržati teritorijalni integritet Ukrajine.

Erdogan je rekao i da će Turska pomoći izgradnju smještaja za 500 porodica krimskih Tatara koji su se preselili u druge djelove Ukrajine poslije aneksije Krima.

Krimski Tatari su turkijska etnička grupa čiji su se mnogi pripadnici protivili ruskom pripajanju tog crnomorskog poluostrva.

Rusija je pripojila Krim 2014. godine, što najveći broj država ne priznaje, dok su zapadne zemlje zbog tog poteza uvele sankcije Moskvi.

Na konferenciji za medije posle razgovora s ukrajinskim predsjednikom Volodimirom Zelenskim, Erdogan je rekao da "Turska ne priznaje nelegitimnu aneksiju Krima" i da "podržava teritorijalni integritet Ukrajine".

Zelenski je kazao da Ukrajina računa na pomoć Turske po pitanju oslobađanja Krimskih Tatara uhapšenih na Krimu.

Ruske bezbednosne snage na Krimu uhapsile su desetine Krimskih Tatara, optuženih za pripadnost radikalnim islamističkim grupama. Aktivisti za ljudska prava te optužbe odbacuju kao lažne.

Zelenski je rekao da je s Erdoganom razgovarao i o mogućnosti isporuke prirodnog gasa u Ukrajinu preko Turske.