Sjevernokorejski lider Kim Džong Un je naučio da vozi automobil kada je imao samo tri godine, a novi snimak koju je objavila nacionalna televizija pokazuje kako je on takođe i izvrstan pilot.
Na video snimku vidi se kako Kim provjerava papirologiju prije nego što je u svoje ruke preuzeo upravljanje avionom.
Lokalni mediji su izvijestili kako je Kim upravljao avionom i sletio potpuno sam, dok su pored njega sjedjeli kopilot i dva asistenta, prenosi Jutarnji. Video je prikazan za Novu godinu, kada je Kim Džong Un, u televizijskom obraćanju javnosti, rekao da je spreman da razgovara sa susjednom Južnom Korejom. "Ako južnokorejske vlasti iskreno žele da kroz razgovore poboljšaju odnose između Sjeverne i Južne Koreje, onda možemo da obnovimo susrete visokih zvaničnika," rekao je Kim u novogodišnjoj poruci koju su prenijeli državni mediji. "Nema razloga da se takav samit sa Južnom Korejom ne održi", dodao je sjevernokorejski predsjednik.
Bonus video: