PO TRI NAGRADE

Adel i Tejlor Svift dominirale na Američkim muzičkim nagradama

Za najbolju rok/pop grupu proglašena je "Marun Fajv" (Maroon Five), a za najboljeg alternativnog rok izvodjača bend "Fu Fajters" (Foo Fighters)
0 komentar(a)
Ažurirano: 21.11.2011. 08:17h

Američka kantri zvijezda Tejlor Svift trijumfovala je na dodjeli Američkih muzičkih nagrada u Los Anđelesu, pošto je dobila priznanje u tri kategorije, uključujući titulu izvođača godine.

Tejlor Svift proglašena je i za najbolju kantri pjevačicu i najbolji kantri album, za "Speak Now", prenose svjetske agencije.

Britanska pjevačica Adel takođe je dobila tri nagrade, za najbolju pop/rok pjevačicu, najboljeg savremenog izvođača i najbolji pop/rok album, za "21". Za najboljeg pop/rok pjevača proglašen je Bruno Mars.

Kanađanin Džastin Biber, izvođač godine 2010, ostao je ovog puta bez priznanja. Na svečanosti u Nokia teatru Biber je izveo jednu numeru sa svog božićnog albuma "Under The Mistletoe".

Priznanje za najbolju kantri grupu pripalo je bendu "Lejdi Antebelum" (Lady Antebellum), koji je istu nagradu dobili i prošle godine. Za najbolju rok/pop grupu proglašena je "Marun Fajv" (Maroon Five), a za najboljeg alternativnog rok izvodjača bend "Fu Fajters" (Foo Fighters).

Bijonse je dobila priznanje za najbolju soul/ritam i bluz pjevačicu, dok je isto priznanje u muškoj kategoriji dobio Ašer.

Nagrada za najbolji soul/ritam i bluz album pripala je Rijani, za album "Loud".

Niki Minaž nadmašila je Lil Vejna i Kanjea Vesta u kategoriji najbolji rep/hip-hop izvođač, a nagrađena je i za najbolji rep/hip-hop album, za "Pink Friday".

Dženifer Lopez pobijedila je u kategoriji najbolji hispano izvodjač.

Preporučujemo za Vas