"PREMJESTILI KLJUČNU OPREMU"

Izrael tvrdi da je otkrio fabriku raketa u Libanu

Vojska Izraela je ocijenila da je fabrika od izuzetne važnosti za Hezbolah
645 pregleda 0 komentar(a)
Ilustracija, Foto: Shutterstock, Shutterstock
Ilustracija, Foto: Shutterstock, Shutterstock

Izraelska vojska saopštila je danas da su ekstremistički Hezbolah i Iran izgradili fabriku preciznih raketa u Libanu.

Kako je navedeno, Hezbolah je "u strahu od udara" Izraela premjestio ključnu opremu sa tog mjesta na "civilne lokacije u Bejrutu", ali nije precizirano kada se to desilo.

Vojska Izraela je ocijenila da je fabrika od izuzetne važnosti za Hezbolah.

Jedan zvaničnik čije ime nije pomenuto na osnovu vojnih pravila, rekao je da je fabrika operativna, ali joj nedostaju glavne komponente.

To je objavljeno nakon nedavne razmjene vatre između Izraela i Hezbolaha, prve poslije više godina.

U ljeto 2006. godine Izrael i Hezbolah su ratovali mjesec dana.

Izrael smatra tu organizaciju svojom najvećom neposrednom prijetnjom.

Izraelski lideri su nedavno izrazilo zabrinutost da Hezbolah i Iran teže da razviju proizvodnju raketa u Libanu što je lider te šiitske proiranske organizacije Hasan Nasralah porekao.