OPTUŽEN ZA SEDAM SLUČAJEVA

Australija: Vatrogasac optužen za podmetanje požara

Mladić jeuhapšen i optužen za podmetanje požara i nemar
569 pregleda 0 komentar(a)
Ilustracija, Foto: Beta-AP
Ilustracija, Foto: Beta-AP

 Mladi australijski vatrogasac-dobrovoljac optužen je danas da je podmetnuo sedam požara prije nego što se pridružio kolegama u borbi protiv vatrene stihije.

Vlasti su tog 19-ogodišnjaka optužile da je izazvao sedam požara na jugu savezne države Novi Južni Vels.

Tu državu su najteže pogodili šumski požari koji su razarali australijsku obalu od sredine oktobra do sredine novembra.

Taj vatrogasac je juče primijećen kako sjedi u kolima nedaleko od mjesta gdje je nedugo potom prijavljen požar.

"Policija će pred sudom tvrditi da je ta osoba zapalila vatri i onda napustila područje, da bi se zatim vratila kao vatrogasac-dobrovoljac", navela je policija u saopštenju.

Mladić je brzo uhapšen i optužen za podmetanje požara i nemar. Takođe je otpušten iz vatrogasne službe.