U vazdušnim napadima u Jemenu ubijeno je 30 navodnih pripadnika terorističke organizacije Al Kaide, ali i sedam žena i troje djece, saopštili su danas jemenski zvaničnici.
Napad iz helikoptera i bespilotnih letjelica američke snage izvele su u Jakli, u centralnom Jemenu.
Ovo je prvi napad američkih snaga u Jemenu od dolaska na vlast novog predsjednika SAD Donalda Trampa.
U Jemenu bijesni rat između međunarodno priznate vlade i šiitskih pobunjenika, saveznika bivšeg predsjednika Alija Abdulaha Saleha, koga podržava Iran.
Najmanje 7.000 ljudi je poginulo, a oko 37.000 je ranjeno u sukobima koji su počeli u martu 2015. godine.
Borbe traju uprkos primirju i započetim mirovnim pregovorima.
Bonus video:
