Ukoliko je i vama Prvi maj nezamisliv bez okupljanja na nekom od obližnjih izletišta uz roštilj i piće, onda je pravo vrijeme da razmislite i o cjelokupnoj organizaciji. Kupovinu obavite na vrijeme, a sve što će vam sigurno biti neophodno pronađite u IDEA prodavnicama.
Priprema je pola posla, pa krenite od početka. Osim samog roštilja, za ogrijev će vam biti potreban ćumur, poneko drvo, kao i suve grančice. Takođe, ne zaboravite da ponesete malo starih novina i upaljač.
Najbitnija stavka je naravno meso. Računajte da će se osim odabranog društva sigurno još neko pridružiti, pa kupite malo više od planiranog. Kako bi meso bilo ukusno, neizostavna je marinada koja će mu dati mekoću i sočnost. Valjalo bi da meso u marinadi neko vrijeme stoji u frižideru prije pripreme.
Meso će sigurno biti ukusnije, ako se pored njega na tanjiru nađe i grilovano povrće, ali i neka svježa salata, pa prilikom kupovine vodite računa o tome. Idealno bi bilo da dodate sos i namaze, za one najizbirljivije gurmane iz ekipe.
Obavezno nabavite plastični pribor i čaše, kako se ne bi opterećivali posuđem. Ne zaboravite ni salvete, hvataljku za okretanje roštilja, kao posuda za pripremljeno meso.
Dobar roštilj se ne može zamisliti bez pića i još bolje zabave. Prije nego što se prepustite apsolutnom uživanju, nakon jela odvojite par minuta kako bi ugasili vatru i žar, te pokupili smeće. Čuvajte prirodu i ostavite vaše idealno mjesto za roštilj onakvim kakvog biste željeli da ga zateknete sljedećeg puta.
