Četvorica košarkaša Bruklin Netsa, među kojima je i Kevin Durent, pozitivna su na koronavirus, potvrdio je klub.
Trojica igrača su bila bez simptoma, dok je jedan pokazivao simptome brzog širenja virusa, nekoliko dana nakon što je Juta obavijestila da su dvojica njenih igrača takođe pozitivno testirana.
Netsi su u pisanoj izjavi naveli da su sva četiri igrača izolovana i pod budnim okom ljekara ekipe, ali nisu identifikovali pojedince.
Međutim, Kevin Durent je sam potvrdio kako je zaražen virusom.
"Budite oprezni, pazite se i ostanite u karantinu. Proći ćemo kroz sve ovo", poručila je jedna od najvećih zvijezda NBA lige.
"Organizacija trenutno obavještava sve koji su bili u kontaktu s igračima, uključujući i njihove nedavne suparnike," poručili su iz redova Netsa.
NBA liga je već danima suspendovana, a prvi zaraženi igrač bio je francuski centar Rudi Gober iz Jute.
Osim Gobera, zaraženi su još njegov saigrač Donovan Mičel i igrač Detroit Pistonsa Kristijan Vud.
Bonus video:
