TOP 5

Pogledajte: Bliski susreti ruskih aviona i NATO aviona i brodova

82 pregleda 17 komentar(a)
SU-27, Foto: Shutterstock
SU-27, Foto: Shutterstock
Ažurirano: 14.06.2017. 09:53h

Na društvenim mrežama objavljen snimak pet "bliskih susreta" ruskih vojnih letjelica i NATO aviona i brodova, piše Sputnjik

Sputnjik navodi da presretanje grupe američkih bombardera koje je izveo ruski lovac 9. juna iznad Baltičkog mora nije jedino u proteklih nekoliko godina.

Na Jutjubu je postavljena kompilacija kadrova "rada" ruskih pilota.

Na prvom kadru ruski lovac Su-27 presreo je portugalski P-3 "orion“ iznad Baltičkog mora. Video-snimak je napravljen 2014. godine

Zatim tu je i prelijetanje bombardera Su-24 iznad američkog vojnog broda "Donald Kuk". Presretanje se dogodilo 2016, kada su dva bombardera Su-24 proletjela na izuzetno maloj visini iznad palube američkog broda. Američki brod tada je bio u međunarodnim vodama, 70 kilometara od ruske vojno-mornaričke baze. U SAD su saopštili da su "uznemireni takvim ponašanjem" ruskih pilota.

U decembru 2014. godine norveške vlasti su objavile video na kojem je zabilježeno kako ruski lovac-presretač MiG 31 izvodi manevar u blizini aviona F-16. Na snimku se čuje kako pilot F-16 nervozno reaguje na ruski avion koji se pojavio u blizini.

Nakon toga na snimku je ruski MiG-31 koji presreće norveški izviđački avion "falkon" DA-20, u oktobru 2015. iznad Barencovog mora. Avioni su se približili na 30-40 metara. Ruski pilot je snimio kako ga norveški pilot pozdravlja.

Lovac Su-27 9. juna je presreo bombarder B-1B "lanser" i teški strateški bombarder B-52. Pentagon je dejstva ruskog pilota okarakterisao kao profesionalna.